Kaldpressuð Repjuolía er einstaklega holl og hentug til matargerðar, jómfrúarolía sem hentar best að nota ferska í ýmsa matargerð. Fæst í 250 og 500 ml flöskum og 2,5L brúsum fyrir stóreldhús.

Sælkeravörurnar okkar eiga uppruna sinn í lífrænni ræktun í Vallanesi og henta vel í veisluborðið eða í gjafakörfuna.  Við útbúum gjafir eftir óskum, t.d.gjafakassa úr íslenskri ösp frá Vallanesi.  Kassinn er hannaður af Thomasi Rappaport og er fáanlegur í tveimur stærðum sem rúma 6 – 10 Móður Jarðar vörur.  Lokið má nota sem skurðarbretti eða til að bera fram mat.

Perlubygg frá Móðir Jörð  er sérvalið korn og slípað á þann hátt að kornið verður rúnað og hvítt svo minnir á perlur. Perlubygg er mjúkt og fágað en suðutími er einungis 15 mínútur. Prófaðu Perlubygg í „byggottó“ eða í létt salöt eða deserta.

Morgunverðarlína Móður Jarðar inniheldur íslenskt bygg og heilhveiti. Morgungrautur, brauð eða gómsætar lummur eða vöfflur sem innhalda hátt hlutfall trefja og flókin kolvetni og undirbúa okkur vel fyrir daginn.

Sulturnar okkar eru komnar í nýjan búning. Þær innihalda íslensk ber og rabarbara og sumar hverjar kryddum við með sætum kryddum. Við höldum sykrinum í lágmarki svo berjabragðið fái notið sín.

Við bjóðum gistingu í uppábúnum rúmum með morgunmat. Í Vallanesi er boðið upp á grænmetisfæði sem grundvallast á hráefni úr ræktun staðarins. Kynntu þér vortilboðið okkar á gistingu og fullu fæði fyrir sem gildir út júní 2020.

Asparhúsið í er byggt úr viði úr skógrækt staðarins.  Húsið hýsir verslun Móður Jarðar þar sem í boði eru ýmsar lífrænar mat- og heilsuvörur sem framleiddar eru á staðnum úr íslensku hráefni, sem og ferskt grænmeti.   Í Vallanesi er boðið uppá staðbundinn morgunverð úr íslensku byggi og létta grænmetisrétti í hádeginu úr fersku, íslensku og útiræktuðu grænmeti.  Við opnum Asparhúsið 4ða maí. Opið frá kl 9-18 virka daga. Júní – ágúst er opið á laugardögum og sunnudögum frá kl 11-17.

Grænkálssalat Asparhússins hefur vakið athygli, það er lokkandi og örlítið sætt. Hér deilum við uppskriftinni en salatið hentar með flestum mat.

Kaldpressuð repjuolía gerir majonesið fallega gult og skemmtilegt með ýmsum mat.  Skoðaðu uppskriftina hér á vefnum:

Bygg er sú korntegund sem fylgt hefur manninum hvað lengst og hefur margsannað gildi sitt sem úrvals heilkorn.  Við gefum þér góð ráð til að auka hlutdeild heilkorns í mataræði með einföldum uppskriftum.

Nú eru uppskerulok og við fögnum því með Jarðeplahátíð í Vallanesi laugardaginn 3ða október frá kl 12-16.00.  Viðburðurinn er haldinn í samstarfi við fleiri aðila á Austurlandi, ætlunin er að skoða ræktunarsögu svæðisins og stunda matargerðalist með kartöflum eins og hún gerist best.  Haldinn verður markaður og margt fleira gert til að fagna þeim fjölbreytileika sem jarðeplin búa yfir.   Dagskrána er sjá hér til hliðar, við hlökkum til að sjá ykkur.